Hoppa till huvudinnehåll

Meänkieli

Tervetuloa Akvarietin Merenkulkumusehoon!

Meiltä löytyy kolme kerrosta merenkulkuhistuuriata ja satamakaupunkihistuuriata, eläviä meriympäristöitä ja sen lisäksi jänniä tarinoita. Meän näyttelyt kertovat meren ja ihmisen välisestä relasjuunista, ennen aikhaan ja nyt.

Met kompineeraama kulttuurihistuuriata meribiolokin kans ette saatama kattoa kunka eri asiat kuuluvat yhtheen: Kunka elämä merelä ja satamakaupungissa kuuluu yhtheen elämän kans veenpinnan alla, kunka relasjuuni tietheen ja myytitten välilä oon ollu kautta aikojen, kunka Göteborgin sijainti meren likelä oon antanu kaupungille sen itenttiteetin eri aikakausina, ja paljon muuta.

Met järjestämmä myös monta eri aktiviteettiä, paitti näyttelyitä; esimerkiksi esitelmiä, kaupunkivaelluksia ja veneretkiä. Täälä oon jotaki kaikenikäsille!

Aukioloaijat                                                                                                                         
Tiistai-pyhä 10-17                                                                                                       
Keskiviikko 10-20                                                                                                         
Maanantai Kiini

Sisälekäynti                                                                                                                      
Vuosipiljetti 40 kruunua.                                                                                                     
Tämä piljetti jällaa myös näissä museoissa: Göteborgin kaupunginmuseo, Röhsskan museo, Göteborgin taitemuseo ja Göteborgin luonontietheelinen museo.                                                      
Ilhmainen pääsy kävelijöile alle 25 vuotta ja Göteborgin väestökirjoissa oleville pansjunäärile.
 

Löyä tänne                                                                                                      
Merenkulkumuseo Akvariet sijaittee Stigbergstorgetin likelä.                                                
Lähhiin pysäkki oon Stigbergstorget, johonka pääset raitiovaunula 3, 9 och 11.

Ruokaa ja juomaa                                                                                                          
Kahvilan aukioloaijat:                                                                                                        
Tiistai-perjantai 11-17, keskiviikko 11-20, lauantai-pyhä 10-17.                               
Kolmanella kerroksella löytyy ruokapaikka, jossa saatat lämmittää oman ruan mikrussa. Lastentoolia löytyy.

Puoi                                                                                                                                    
Puoissa, joka oon resepsjuunin likelä, löytyy monenlaisia tuotheita joila oon meri ja merenkulku teemana.

Kokoelmat                                                                                                                            
Meän kokoelmissa löytyy esihneitä, valokuvia, arkistoasiakirjoja, filmiä, ääninauhotuksia, riitinkiä ja kirjalisuutta monelta vuosisaalta. Meilä oon yli 25 000 rejistreerattua esinettä, vanhiimat oon 1500-luvulta. Jos halvat tulla kattomhaan meän kokoelmia ota yhteyttä kokoelmayksikhöön:                                                                      info.sjofartsmuseet@kultur.goteborg.se

Näyttelyt                                                                                                                        

Akvaario                                                                                                                              
Sukela veenpinnan alle ja saat nähhä merihevosia, koralliriuttaa ja krappoja. Täälä saatat oppia enämpi meän meriympäristöstä, millä laila siipisimppu (drakfisken) oon myrkylinen eli mistä se johtu ette  vuokkokala (clownfisken) vaihettaa sukupuolta.

Purjelaivoitten aikaTaistelu purjen ja höyryn välilä                                           
Ruottalaisesta merenkulusta histuurialisessa perspektiivissä. Täälä löyät jänniä tarinoita vanhoista varvista, mitä tapahtu ko höyrylaivat tulit ja minkälainen elämä laivoissa oli.

Ameriikan feeperi                                                                                                               
Svenska Amerika Linienin laivoissa matkustit niin emikrantit ko luksusluokan matkustajat. Näyttelyssä saat seurata Ameriikanlaivoitten histuuriata ja ihmisiä jokka reisasit niitten kans.

Kaupunki  veen äärelä                                                                                                      
Näyttely kertoo kunka ihmiset, tavarat ja iteat oon muovanheet Göteborgia osana globaalisesta kaupankäynistä.

T/S Supertuben                                                                                                        
Interaktiivinen näyttely lapsile ja nuorile. Opi lastaahmaan konteineriä, luo oma merihirviö eli tehe retki kalastusvenheessä Skagul.

Laivasimylaattori                                                                                                                 
Testaa olla kapteeni päiväksi! Meän laivasimylaattorissa saatat testata ohjata erityyppisiä laivoja Göteborgin hamihnaan. Suositeltava ikä: 13 vuesta lähtien.  

Knattegatt                                                                                                                               
Sano hei merihirviölle meän leikkihuohneessa pienimille. Täälä saatat kuusata pehmoelläimitten kans eli kontata sisäle yhtheen laivanhylkhyyn.

Lukuhuone Gripsholm                                                                                                     
Rauhalinen huone mutäärnissä art deco-tyylissä jossa oon kirjoja ja aikakauslehtiä sille joka halvaa lukea hetken. Täältä sulla oon myös kauhniin näköala sinne mikä kerran oli Ameriikanlaivoitten laituri.

Näyttelyt oon ruottinkielisiä ja joissaki taphauksissa myös englanninkielisiä.

Merenkulkumuseo Akvariet  järjestää myös väliaikhaisia näyttelyitä.

Kontakti
Sjöfartsmuseet Akvariet
Karl Johansgatan 1-3
414 59 Göteborg
Telefooni +46 31 3683550
Meili info.sjofartsmuseum@kultur.goteborg.se
www.sjofartsmuseum.goteborg.se 
Facebook: Sjöfartsmuseet Akvariet – Göteborg
Instagram: sjofartsmuseetakvariet
#sjöfartsmuseetakvariet

Utställningar

Närbild på övre delen av ett ansikte. Personen tittar rakt in i kameran och har ett cyklop på huvudet och håret är rufsigt och fuktigt..

Haenyeo - Havets kvinnor

På ön Jeju utanför Sydkorea lever dykarkvinnorna haenyeo. Utställningen med starka porträtt och unika föremål öppnar den 3 mars.

Närbild på vatten med vågor i.

Min flykt över havet

I alla tider har människor korsat hav för att söka sig ett bättre liv – undan fattigdom, krig och förföljelse. Havet är en evighet av både hopp och hot.

Orange fiskar simmar i akvarier

Akvariet 

Dyk ner under vattenytan och upptäck sjöhästar, korallrev och krabbor. Här kan du lära dig mer om vår havsmiljö, få reda på om sjöborrar har ögon eller varför clownfisken byter kön.  

Entré

  • En dagsbiljett kostar 60 kr och gäller för ett besök på Sjöfartsmuseet Akvariet.
  • En årsbiljett kostar 100 kr och gäller för ett obegränsat antal besök under det kalenderår som köpet görs.
  • Årsbiljetten gäller även på Göteborgs konstmuseum, Göteborgs stadsmuseum och Röhsska museet.
  • Fri entré gäller för alla under 25 år, samt för personer från 65 år folkbokförda i Göteborg.
    Läs mer om hur du hämtar ut ditt seniorkort under besök oss.

Öppettider

  • Tisdag–söndag: 10–17
  • Onsdagar: 10–20
  • Museet är stängt:
    Alla måndagar samt
    långfredagen, annandag påsk, 1 maj, 6 juni, midsommarafton, midsommardagen, julafton, juldagen, nyårsafton och nyårsdagen.

Kontakt